Nobilitationes per Dominum Principem factæ maneant in suo vigore, Ita
tamen ut in dicta proxime Regni Diæta literæ superinde produ-
cantur. Ut sciatur eorum Nobilitas ne quid contra leges in
eo peccetur.
Arces et bona hæredum quon[dam] Comitis Georgij Homonnai, Idem Dominus
Princeps post Resignationem Regni statim ad manus Re[lic]tæ Eius-
dem, Tutricis v[ideli]cet legitimæ ac Naturalis et Orphanorum resigna-
bit, si quid autem ulterius in præscriptis bonis disponendum erit,
fiat Jxta Jura Regni l[iter]æ etiam et l[iter]alia Instrumenta fact[um]
Eorundem bonorum Concernentia diligenter inquirentur, Inventaque ma-
nibus Eorun[dem] Tutricis et Orphanorum sub Inventario, coram certis
Authenticis personis assignabuntur.
Captivos qui quidem nondum de sua liberatione Contraxerunt absque ulla litri solu-
tione Idem Dominus Princeps dimittet, libertatisque pristinæ
Restituet.
Pollicetur præterea idem Dominus Princeps quod à modo in posterum contra
Suam M[ajes]t[a]tem Cæsaream et Regiam, Serenissimam Domum
Austriacam Eiusque fideles subditos nunquam hostilitatem Exercebit,
arma sumet neque eos infestabit Consiliaque noxia agitabit, nec hostes
Eiusdem ullo unquam modo adiuvabit; Parem Suæ Ma[jes]t[a]tis Cæsareæ
Inclit<i>que Domus Austriacæ erga se se suosque successores legitimos
benevolentiam et benignitatem Dominu etiam Princeps Expecta-
turus.
Vicissim præfata Sacra Imperatoria Regiaque M[ajes]tas Eundem D[ominum] Principem
auctoritate sua et potestate Imperiali in Principem Sacri
Romani Imperij creat et declarat, Præterea duos in Silesia Du-
catus Op<u>liæ et Ratiboriæ cum usu Titulorum et Insignium
libero omnique eo Jure et Jurisdictione obventionibusque, quibus quon[dam]
Princeps Sigismund Batori de Somlio tenuit, possidit et
gavisus est ipsi Domino Principi, et uni ex Filijs ex proprijs
lumbis et thoro legitimo procreando ijs vero non existentibus
filio adoptivo et Nepoti Stephano Bettlen Juniori, ad dies